Кавто чинь перть Мордовиясо ульнесь содавикс прозаикесь, сценаристэсь, финнэнь-угрань раськень фольклоронь тонавтницясь Денис Осокин!(ЭРЗЯ)

МГУ-со ютась Весероссиянь научной конференция, кона алтазель неень шкань культурасонть фольклоронь таркантень. Россиянь прозаикесь, сценаристэсь Денис Осокин литературасо кармась содавикс 2000-це иетнестэ. Сонзэ сёрмадовкстнэнь ливтить башка жанракс, косо вейс пурнавить вишка раськень фольклорось, алкуксонь ды арсезь таркатне. Литературань критиктне лемдить сонзэ фантастокс. Бути те истя, сестэ те фантастикась аволь сыця, а ютазь пингетнестэ. Содавиксчись сонензэ сась «Овсянки» фильмань лисемадо мейле. Седе тов ульнесь «Небесные жены луговых мари» фильмась, кона истяжо, кода и васенцесь кармась содавикс масторонь кинофестивальтнесэ. Денис Осокинэнь эрямо тарказо — Казань ошось. Тесэ сон важоди институтсо, ловны лекцият телевидениянь ды кинонь факультетсэ. Финнэнь-угрань тематикась сёрмадовкстнэсэ саи башка тарка. Те тувталонь коряс тердезельгак Мордовиянь ВУЗс. 2010-це иестэ «Овсянки» фильманть кисэ сон тешкстазель «Ника» киноакадемиянь премиясо. Федеральной каналсо фильмась васенцеде невтезель Александр Гордононь «Закрытый показ» передачасо, козонь меря раськень коряс экспертэкс тердезель Мордовиянь учёноесь Александр Шаронов. Денис Осокин парсте содасы телевидениясо важодеманть. Зярыя иень перть важодсь Казанень телевидениясо, анокстась Рав чирень раськетнень культурадост документальной фильмань цикла. Кемтяно, сёрмадыцянть Мордовияв самось а юты стяко. Паряк курок шкане минек раськень ломантнеяк кармить сонзэ повестень эли фильмань герокс.

Экспертное злоключение - Столица С Перед Пролетарским райсудом предстал 35-летний сотрудник Республиканского бюро судебно-медицинской экспертизы Евгений Талышкин.
Столица С
JPG Файл - ОМВД Республики Мордовия ММО МВД России «Темниковский» устанавливается местонахождение Киселева Эдуарда Алексеевича, 1970 года рождения, который с 1 марта текущего года не выходит на связь с родственниками.
ОМВД Республики Мордовия
В Мордовии отметили День кукольника Артисты Театра кукол Мордовии отметили свой профессиональный праздник – Международный день кукольника.
Газета Мордовия