Сы шкасто Саранскоень куншкакурось полавтсы тарканзо. Сон карми улеме Посопсо. Сонзэ прявт объекттнэ – «Юбилейной» эрямонь комплексэсь, «Сити Парк» микшнемань центрась ды, нама, «Мордовия-Арена» стадионось.
«Юбилейноесь» – европейской уровенень неень шкань эрямонь комплекс, конаньсэ эрицятнень туртов теевить весе эрявикс коммуникациятне ды инфраструктурась. Проектэнь коряс арсеви витнемс-мазылгавтомс Инсар ды Тавла лей чиретнень. Истя жо теевить ялго ютамо таркат, озавтневить чувтот ды куракшт.
«Сити Парк» од торгово-развлекательной комплексэнтень мелявкстомо пачкодемга теевить транспортсо ардомань ды ялго ютамонь кить. «Сити Парконть» малас тееви 1100 автомобильс кавто уровенень парковка. «Сити Парктонть» аволь васоло карми аштеме «Мордовия-Арена» Футболонь коряс масторлангонь чемпионатонь стадионось, конань строямозо ней моли весе вийсэ.