Раськень творчествантень - келей ки!

«Шумбрат, Мордовия!» раськень творчествань фестивалесь моли келей эскелькссэ! Ютазь оймсема читнестэ Республикань Культурань Дворецэнь сценанть лангсо эсь ёрокчист невтизь Ельникень, Покш Игнатовань, Теньгушевань ды Кадошкинань районтнэнь творческой коллективтне.
Ваныцятне цяпасть апак лотксе. Ульнесь тесэ мезе лангс ваномс ды мезенть коряс кецнемс! Залонтень пурнавозтненень умок содавикст ды вечкевикст «Мокшаваня» (Ельникень район) раськень ансамблясь ды «Пизельне» (Теньгушевань район) фольклорной коллективесь ды лиятне. Сынь морасть вечкемадо, кемемадо, тиринь ёнксонтень долгто.
Ине Изнямонь темась гайгсь ветерантнэнь выступлениятнесэ. Ваныцятне сынст вастсть седеяк пек лембестэ. Неть: «Калинка» (Ельникень район), «Рябинушка» (Покш Игнатовань район), Теньгушевасто ды Кадошкинасто ветеранонь хортнэ. Весень мельс пек тусь Егорушкинтнэнь семиянь ансамблясь: нуцьканзо седямонть мельга дедась морызе «Одинокая гармонь» моронть. Ськамост морыцятнеяк солавтызь эсь мазый вайгельсэст ваныцятнень седеест. Неть: Ирина Учаева ды Иван Бублиенко (Покш Игнатовань район), Хайдяр Турчаев ды Юлия Грачева (Кадошкинань район), Алексей Гладышев (Теньгушевань район) ды Анатолий Чумаков (Ельникень район). Ульнесть, нама, мельстуиця лия номерткак.
Фестивалень ваныцятнень мелест явовтынзе «Мастерство земли мордовской» декоративно-прикладной творчествань выставкаськак. Ельникень райононь выставкасонть явовсть панкссто ставкстнэ: вельтямот, тодовлангакст…
Кецявтсть сельме Покш Игнатовань райононь А.И.Смирновонь чувтосто керсевкстнэ: эрьва кодамо формань кечетне, орнамент марто пенчтне…
Выставкасонть истя жо невтневсть ды микшневсть варьгат, носкат, гольфат. Сынст кодамост коряс мастер-класс невтсть Теньгушева велень эйкакшонь искусствань школань тонавтницятне.
Раськень творчествань вечкицятне тердевить сыця оймсема читнестэ ютавтовиця отчётонь концерттнэс. Тесэ ёрокчист невтьсызь: ноябрянь 15-це чистэнть – Дубёнкань ды Торбеевань районтнэнь самодеятельной артисттнэ, ноябрянь 16-це чистэнть – Атюрьевань ды Кочкуровань районтнэнь морыцятне ды киштицятне.
Снимкасонть: Покш Игнатовань «Маленький принц» эйкакшонь театрань студиясь.

В Мордовии прошла спецоперация «Анаконда» - ИА Медиа Ток Фото: Пресс-служба МВД по Республике Мордовия 28 марта. /MEDIA-TALK/.Ее цель - предотвращение и пресечение транспортировки наркотиков, оружия, других предметов или веществ, запрещенных к гражданскому обороту.
ИА Медиа Ток
В Мордовии подвели итоги специальных рейдовых мероприятий на транспорте - Вечерний Саранск Сотрудниками УФСБ России по Республике Мордовия во взаимодействии с региональными МВД и Росгвардией с 11 по 19 марта проводился внеочередной этап совместной спецоперации «Анаконда»,
Вечерний Саранск
Гепатит С - вирусное заболевание, которое может протекать в острой и хронической форме, притом частота хронизации этой инфекции очень высока: до 85% случаев.
Роспотребнадзор