СЕМЁНОВТНЕНЬ КОНДЯТНЭ ВЕЛЬМЕВТИТЬ ВЕЛЕНТЬ

Фото: erziapr.ru

Неень шкане сави ламо марямс велетнень вельмевтемадо, тосо кадовикс ломантнень эрямост паролгавтомадо, оштнесэ вузонь прядыця од специалисттнэнень седе паро условиятнень максомадо. Тень пингстэ минь лиясто стувтнетяно седе, тосонь стакачитнень лангс апак вано, улить истят ломанть, кить чатьмонезь, мезе лангскак апак пеняця кирдить веленть, поладыть тетяст-аваст тевенть. Виде, истятнэ сурсо лововить, ялатеке кенярдовты, истят ломанть улить масторлангсо, тиринь Покш Березник ёнкссо.

Шугурова велесэ тевде а пелиця, ламос бажиця Семёновтнень семиядонть марсинь ламонь пельде, вастовомс жо савсь ансяк те иень тунда. Видькстан, малав колоньгемень иень перть сёрмадыцянь тевенть топавтомсто эштё истямо оймамонь а содыця, стакачиде а пелиця, чинек-венек роботыця семия марто кортнемс-вастневемс эзь савкшно. Истят ломантне, кода Семёновтне, кармавтыть эрьванть арсезевеме эсь эрямо лувдонть. Седе, мезе кадтано эсенек мельга ды весе ли минь теинек масторлангсо улемстэ.

 

Чачсь семия

1985 иень маень Тундонь ды Трудонь кенярксчистэнть Шугурова велесэ чачсь од семия, Николай ды Валентина Семёновтне налксесть свадьба. Нама, сестэ одтнэ эзть арсе, кодамо эрямо тенст аноксты уцяскась. Се шкане ламот тиринь велесэ венчасть-урьвакстсть ды тусть эрямо ошов. Велев жо сакшныть ансяк малавиксэст содавтомо, тошначист ютавтомо. Нать, лия эрямонь ки Пазось анокстась те семиянтень. Ушодсть, кода ламот Шугуровань средней школань прядыцятнестэ, тонавтнеманть поладомасто. Валентина сась тиринь велев фельдшерэнь диплом марто, Николай тонавтнесь агрономокс. Кудазоронтень тев муевсь Тазина шабра велестэ, се шкане тов эрявсь агроном. Валентина  ушодсь важодеме фельдшерэкс Тазинань участковой больницясонть. Малав кеветее иеть сон тосо топавтсь вечкевикс тевензэ. Перестройкань шкастонть лецямонь те учреждениясь вейсэндязель Покш Березникень райононь больницянтень, тосо важодицятне вейсэ прявт врачост С.А.Кулавский марто тусть важодеме райцентрав. Валентина Яковлевнанень те шкас ледстнемакс кадовсть те больницясонть роботамонь васень иетне. Сон ламо сюкпрянь валт ёвты тевс тонавтыцянзо туртов – прявт врачонтень Сергей Агеевичнень. Истя лиссь, С.А.Кулавский ней важоди Покш Березникень куроконь лезксэнь максомань отделениянь прявтокс. Валентина Яковлевна те шкас тензэ пшкали эрьва кодамо кевкстемань, превс путомань коряс медицинань а шожда тевсэнть. Те оймамонь а содыця тейтерьавась чинь-вень перть дежурямодо мейле полады кудоютконь тевензэ.

Эрицятнень лезэс

Се шкане, зярдо масторлангсо, сехте пек велетнесэ, эзть пандо зарплата, ломантне майсесть арасьчиденть.  Кить кувсесть, а кить кедень илештязь чинек-венек важодсть.

Семёновтне се шкане кирдсть кардаз потмо ракшат: тувот, скалт, вазт, нармунть… Седе тов панжсть вишка лавкине, косо ульнесь малав весемесь велень эрицятненень. Питнетнень эзть касто, содасть, кодамо стакачи кирдить эсест велень эрицятне.

Аламонь-аламонь кармасть стямо пильге лангс, ушодсть эсест кудонь путомо. Те шкане ульнесть уш кавто эйкакшост. Васенцесь, Наташа тейтерест, чачсь 1985 иестэ, парсте школанзо прядомадо мейле тонавтнеманзо поладызе Саранскоень кооперативной институтсо. Ней важоди специальностень коряс.

 

седе ламо бу истят эйкакшт...

Цёраст, Юра, чачсь 1992 иестэ, зярдо ярсамопелесь тенек микшневсь талононь коряс. Сон вишкинестэ несь, кода семиясост стакасто добовави эрьва целковоесь, кодамо вий путома эрьва тевенть ушодомсто. Астяко народсо кортыть: кода трясак-кастсак эйкакшонть, истямокс сон кармияк. А мезть сёпомс, ламось тенек юты тетянок-аванок пельде. Семёновтнень семиясь тенень пек паро невтевкс. Вишкинестэ уш цёрынесь ушодсь малавиксэнзэ туртов эрьва тевсэ лездамо. Сон стиль мартост рана валске ды ушодыль ракшань андомо, кардонь ванськавтомо. Виде, пек чуросто эрямосонть истя эрси. Нама, школань прядомадо мейле Юра максынзе документэнзэ институтов, прядсь юридической факультет, ансяк эзь карма эрямо ошсо. Сась тиринь велев. Сонзэ специальностенть коряс Шугуровасо тев а муят, секс кармась Культурань кудонь прявтокс. Лиянень бу сатоволь, ансяк те аволь Юрань обуцясо. Сонзэ седеесь ризны-палы веленть вандынь чинзэ, тетянзо-аванзо кисэ. Тень кувалма, ютазь иестэ саезь кармась фермерэкс. Ней кемень потявтовиця скалонзо, кемень вазонзо, ули буказо ды алашазо. Неть кизэнь пси читнестэ ракшатнень мельга ваны электропастух, скалтнэнь цёрась сонсь потявты.

Токинь кедензэ. Сынь пуворькс потсот… Мелят ушодыця фермерэнтень макссть грант 700 тёжат целковоень покшолмасо, ялатеке, койсэнек, те цёрантень бу явомаль ков седе покш мель. Эдь истят од ломанть неень шкане масторонь вейкеяк велестэ а муят.

Семёновтне уцяскаст лангс а пеняцить. Куш эрямось алкукс варчизе сынст нардевчинть. 2013 иень май ковсто апак учо палсь кудост – пизэст, конань сынь эсест кедьсэ, раськест лезксэнть вельде стявтызь. Кода кортыть: салыцясь уголт кады, толось – мезеяк. Мезе лангсост ульнесь, сеньсэ кадовсть. Нать, те тенст эрявсь цидярдомс, штобу кемезевемс, кодамо питне тенст путыть лиятне. Кодат вадря тевть сынь таштасть, эдь парось пандови паросо. Шугуровасо арасель вейкеяк семия, косто авольть са бу тенст лезксэнь максомо. Марявсь, весе районось кисэст ризнэсь-мелявтсь. Кие мейсэ маштсь, лездась кажос понгозь семиянтень. Течи покш сюкпря Семёновтнень семиясо ёвтыть Покш Березникень муниципальной райадминистрациянь эрицятненень, АПК-нь ды ЛПХ-нь отраслятнень марто важодемань управлениянь прявтонтень  Т.И.Плакидинанень, «Кировское» ООО-нь прявтонтень М.В.Струенковнень, башка предпринимателентень А.Балберовнень, «Чамзинкамежрайгаз» управлениянь прявтонтень М.В.Пыковнень, «Жилищник» МП-нь прявтонтень О.А.Баклановнень, Вирень, охотникень хозяйствань ды природопользованиянь министрантень В.Т.Шумкиннэнь ды весе сетненень, кить лездасть, кинь лемтне тесэ апак ледстя. Виде, семиянтень савсь саемс кредит од кудонь стявтомс, конань сави эштё кувать пандомс. Тень лангс апак вано, Семёновтне кедест а нолдыть. Малавиксэст ды лездыцяст вельде сынь стявтсть од кудо. Эсь кедьсэст, кода маштсть, мазылгавтызь ды эрить вандынь чинтень кемезь, уцясказост кенярдозь.

Туинь те семиястонть покш мельспаросо. Те шкас арсян, бути эрьва велесэ улевельть седе ламо истят семият, сестэ бу авольть уле масторсонть чаво кудот, кадозь велеть.

В.Юдина

 

 

 
По теме
Предлагаем ознакомиться с  Запрещенным списком 2019  и  Обзором основных изменений с объяснениями .
21.11.2018
Федеральным законом от 30.10.2018 № 393-ФЗ внесены изменения в пункт 5 части 1 статьи 93 Закона № 44-ФЗ,
21.11.2018
 
На основании поступившего заявления индивидуального предпринимателя инспекцией Мордовского УФАС России в октябре-ноябре проведена внеплановая выездная проверка в отношении Администрации г.о.
20.11.2018
 
… и экспертные рекомендации на рекламу «сами-знаете-что» - Управление Федеральной антимонопольной службы 20 ноября состоялось очередное заседание Экспертного совета по применению законодательства о рекламе при Мордовском УФАС России под председательством руководителя Управления Сергея Видякина.
20.11.2018
Спасатели призывают рыбаков не рисковать жизнью. Фото: Столица С МЧС по РМ предупреждает любителей  зимней рыбалки, что к 20 ноября 2018 года толщина льда на водоемах республики сильно рознится.
21.11.2018 Столица С
В ИУ УФСИН России по Республике Мордовия прошли мероприятия, посвященные Дню памяти жертв ДТП - УФСИН В исправительных учреждениях, подведомственных Управлению Федеральной службы исполнения наказаний по Республике Мордовия прошли мероприятия, посвященные Всемирному Дню памяти жертв дорожно-транспортных происшествий.
20.11.2018 УФСИН
Известная актриса Раиса Рязанова — ​о жизни и своей звездной роли в оскароносном фильме В Музыкальном театре 13 ноября показали комедию «Авантюристы поневоле», где одну из главных ролей исполнила Раиса Рязанова.
18.11.2018 Столица С
Николай Лукинский готов к гастролям по Мордовии. Фото: Соцсети Известный юморист из из популярного телепроекта «Аншлаг» Николай Лукинский приглашает всех желающих пошутить вместе с ним.
17.11.2018 Столица С
Три очка вдесятером - ФК Мордовия   «КРАСНОДАР-2» Краснодар - ФК «МОРДОВИЯ» Саранск - 1:2 Голы: 0:1 - Илья Петров (5), 0:2 - Игорь Киреев (7), 1:2 - Иван Таранов (21).
21.11.2018 ФК Мордовия
В Управлении Федеральной службы исполнения наказаний по Республике Мордовия прошла встреча начальника пенитенциарного ведомства республики Леонида Мустайкина с сотрудниками-спортсменами, ставшими победителями на международных соревнованиях по самбо и универсальному бою. - УФСИН В Управлении Федеральной службы исполнения наказаний по Республике Мордовия прошла встреча начальника пенитенциарного ведомства республики Леонида Мустайкина с сотрудниками-спортсменами,
21.11.2018 УФСИН
"Золото" и "бронзу" завоевали мордовские борцы на всероссийских соревнованиях памяти Сахабутдинова - Вестник Мордовии     Представители мордовской школы борьбы завоевали две медали Всероссийских соревнованиях по греко-римской борьбе среди юниоров памяти заслуженного тренера РСФСР М. М. Сахабутдинова.
20.11.2018 Вестник Мордовии
Денис Тюркин Все материалы автора Этот временный мост через Инсар и дает возможность проложить альтернативный маршрут © Денис Тюркин Эксперимент:
20.11.2018 Столица С
Фото: ESP Более 200 спортсменов из 28 регионов России разыгрывали медали всероссийского турнира среди юниоров (до 21 года) по греко-римской борьбе на призы заслуженного тренера РСФСР М.М.Сахабутдинова,
21.11.2018 Столица С
Фото: ESP - Столица С Фото: ESP В МВД по РМ продолжает действовать детский телефон доверия. «Оказание помощи и поддержки детям, оказавшимся в трудной жизненной ситуации, правовое просвещение подростков и их родителей,
21.11.2018 Столица С
В октябре 2018 года в Административную комиссию Администрации Ленинского района городского округа Саранск было направлено 22 протокола об административных правонарушениях.
21.11.2018 Администрация г. Саранск
  Государственным инспектором отдела государственного ветеринарного надзора по Пензенской области Управления Россельхознадзора по Республике Мордовия и Пензенской области проведено рейдовое мероприятие на автомобильной д
21.11.2018 Россельхознадзор