«Удалов варштазь» А. Рябовонь невтемазо. (ЭРЗЯ)

Истямо лем ало Степан Эрьзя лемсэ изобразительной искусствань музейсэ панжовсь чувто ланга керсицянть, педагогонть, Александр Рябовонь выставказо.  Алтави сон мастерэнть 50 иень топодемантень. Музеев сыцятне несызь сонзэ аволь кода чувто ланга керсицянь, панжсызь кода артыцяньгак.

Александр Рябов содавикс васняяк кода чувто ланга керсиця, педагог, кона ламо иень перть тонавты керсемань тевентень Саран ошонь эйкакшонь художественной школасо. Экспозициясонть невтевить 80 ламо важодевкст: чувто ланга керсевкст, артовкст. Авторось пек кенярды, мекс кармась керсицякс, а седеяк пек, мекс тонавты вечкевикс тевентень эйкакшт. Тонавтомантень сон яви ламо шка, теке марто мукшны вийть, ютавтни выставкат, якси тонавтницятнень марто шкинемань пелькстамотнес.

Важодевкстнэсэ авторось башка мель яви вишка ёнкстнэнень, пластикантень, конат пештить теевкстнэнь домка смустьсэ. Прявт темакс сонзэ важодевкстнэсэ ашти раськень культурась, эрзятнень коест-кирдаст невтемась, ламо геройть саезь мифологиясто. Декоративной элементэкс авторось саи эрзя-мокшонь викшневксэнть, кона максы сонзэ теевкстнэнень лия ёнов а молиця ёнкс.

Эсензэ тонавтыцякс Александр Рябов лови Николай Мастинэнь ды Пётр Рябовонь. Нама, сех учовикс валтнэ выставкань коряс кармить лелянзо пельде, кона соды, кода мольсь анокстамось те невтевксэнтень. Александо Рябовонь важодевкстнэ аволь весть невтезельть республикасонок ютавтовиця фестивальтнесэ. Ульнесь мастерэсь финнэнь-угрань раськень «Вейсэнь ундокст» чувто ланга керсемань фестивалень пелькстыцякс. Важодевксэнзэ ванстовить Мордовиянь, Удмуртиянь музейтнесэ; улить Болгариянь, Финляндиянь, Эстониянь коллекционерэнь кедьсэ. Выставкань панжомань кувалт лембе валт артыцянтень сакшность ёвтамо ламо ломанть. Эрьвась панжсь тесэ эсензэ туртов мезе бути од. А сеть, кить эзизь нее Тавлань чувтонть налкшкетнень – садо С. Эрьзянь лемсэ музейс, невтемась карми важодеме ковонь перть.

JPG Файл - ОМВД Республики Мордовия ММО МВД России «Темниковский» устанавливается местонахождение Киселева Эдуарда Алексеевича, 1970 года рождения, который с 1 марта текущего года не выходит на связь с родственниками.
ОМВД Республики Мордовия
В Мордовии отметили День кукольника Артисты Театра кукол Мордовии отметили свой профессиональный праздник – Международный день кукольника.
Газета Мордовия