МР-нь Прявтонть Владимир Волковонь республикань Госсобраниянтень Кучомасонзо башка мель явозь эрямо таркань строямонтень, сонзэ ютксо эконом-классонь «Эрямо таркат Россиянь семиятнень туртов» программанть коряс.
МР-нь Правительствасо ютавтозь промкссонть кортавсь, Кучомань те положениянть топавтомась моли вадрясто. Те иень I-це кварталстонть Мордовиясо строязь 32,5 тёжат кавонзазь метрат эрямо таркат, те 120,2 % кемекстазь аравтлувонть коряс. Эконом-классонь эрямо тарка стявтови 18,4 тёжат кавонзазь метрат, те 101,7% ютазь иенть коряс. «Эрямо таркат Россиянь семиятнень туртов» программанть коряс строязь колмо эрямо кудот Луховка поселкасонть, вейсэнь покшолмаст 3,6 тёжат кавонзазь метрат.
Вадрясто моли «Мордовия Республикасо ташто кудосто одс эрицятнень ветямось» программань топавтомась. 2016-2017 иетнестэ те программанть топавтомс явовить ярмакт Гокоропорациянь – Жилищно-коммунальной хозяйствань полавтоматнень ветямонь Фондонть пельде 650,7 млн. целковоень покшолмасо.
- Республикасонть эрямо таркатнень марто сюлмавозь стакачитнень витемась ашти прявт кевкстемакс Мордовиянь Правительстванть туртов, - тешкстызе региононь министрань кабинетэнь Председателесь Владимир Сушков. – Эрямо таркатнень строямось виевгавтови, ансяк а эряви лоткамс саезенть лангс. Карматано тееме весементь, эрямо таркань строямонь покшолматнень кастомаст коряс.
Башка ванновт ало ашти китнень строямось ды витнемась. Районтнэсэ неть тевтнень топавтомга «2016 иес Мордовия Республикань бюджеттэ» республикань законсонть арсеви явомс субсидият местной бюджетнэнень 190,6 млн. целковоень покшолмасо.
Мордовиясо виевгавтови эрямо таркань строямось
Источник: Правительство Республики Мордовия
15.06.2016 17:10