Изнясть «Полициянь кудораське» пелькстамосо (эрзя)

«Полициянь кудораське» фотопелькстамосо Мордовиянь Максимовтне мирдть-полатне изнизь колмоце тарканть. Пелькстамось ютавтозель Россиянь МВД-нь официальной сайтсэ Кудораськень, вечкемань ды кемевиксчинь Чиденть икеле. Изницятне кочкавсть интернетсэ вайгелень панжадо максомань кувалт. Эрьвантень меревсь максомс вайгеленть пелькстыцятнень кис.
Весемезэ икелев лиссть 5 кудораськеть масторонок эрьва кодамо ужинетнестэ: Московсто саезь Ставропольянть видьс. Мордовиянь невтизе Алексей ды Анна Максимовтнень ламо эйкакшонь кудораськесь. Полициянь майорось, экспертэсь-криминалистэсь Алексей внутренней тевень органтнэсэ важоди 27 иеть. Анна – полициянь кинолог. Мирдть-полатнень сисем эйкакшт. Покшось – Александр тедеде прядызе школанть. Надежда, Полина, Вера ды Никита – школасо тонавтницят. Ещё ояксчисэ эриця кудораськесэ касыть кавто вишка эйкакшт – Иван ды Любовь.