«Система» паро тевень теемань фондось шкинев ды од ванныцятнень ютксо ютавтсь стипендиальной пелькстамо. Сон вейсэндинзе масторонок 77 регионтнэстэ малав 18 тёжат пелькстыцятнень. Изницякс лиссть 50 ломанть, конатнень ютксо Н.П. Огарёв лемсэ МГУ-нь Евгения Тягушева тонавтницясь. Сонзэ «Разработка и компьютерная реализация алгоритма прогнозирования проаритмогенных нарушений сердечно-сосудистой системы у новорождённых детей с перинатальными поражениями ЦНС гипоксического генеза на основе методов машинного обучения» проектэсь вадрятнень эйстэ вейкесь. Казнень таркас Евгениянень эрьва ковсто максови стипендия ды фондонь компаниянь-партнёртнэнь эйстэ вейкесэнть стажировкань ютамось.
Источник: ГТРК Мордовия
17.03.2025 16:50
